Ua faaaoga ai nei e le taitai o le itu agai, Tuilaepa Sailele Malielegoi, fesootaiga televave, e saunoa ai, faasaga ile taunuuga o le suesuega faapitoa ale komiti faapalemene, lea na tolaulau i le vaiaso nei le taunuuga ma le latou fautuaga ile palemene.
Ole fautuaga a le komiti suesue e aofia ai le faasolomuli ole tulafono, poo le toe ave i tua, faatasi ai ma le ave ile loia sili ma le ofisa o leoleo e faia ni moliaga talafeagai i tagata faigaluega a le Malo o tuua’ia ile faiga o suiga i le tulafono o fanua ma Suafa ma lona pulega, ua afua ai ona fa kopi o opeopea ai nei.
Ma saunoa ai le taitaifono ole komiti, Auapaau Mulipola Aloitafua, ile loloto ole latou sailiga, na maua ai fuaiupu faaopopo i lalo o le faatonuga a le Peresetene ole faamasinoga o Fanua ma Suafa ile ofisa ole fono.
Peita’i ua toe saunoa ma ta’utino ai nei e le taitai o le HRPP, le ituaiga o fofo po o auala sa masani ai ona o latou togafitia ai sasi laiti faapea a’o latou pulea le malo.
Peita’i o sasi laiti ia, e le’o tuumamaina e le faigamalo fou ua tula’i mai nei, talu e ogaoga ma sui ai le uiga ole tulafono.