Ua faailoa mai nei e le faiaoga ulu a le Manu Samoa le susuga ia Vaovasamanaia Seilala Mapusua le suiga ua iai nei le au a le Manu Samoa ua sauni e feiloai ma le au a le Ikale Tahi mai Tonga.
O ia suiga ua mafai ai ona sui tulaga ai le susuga ia Chris Vui ma le susuga ia Brian Alainu’uese ile avea ma loka (lock).
Ae ua mei mai ai le susuga ia Charlie Faumuina, Sama Malolo, ma le ali’i kapeteni o le Manu Samoa ia Michael Alaalatoa ua tofia i le laina pito i luma o foueti (front row).
O le susuga ia Miracle Fai’ilagi o le a ta’alo i le tulaga o le blindside flanker, ae o le open side flanker ua tofia iai Jack Lam.
Peitai o le numera 8 o le a ta’alo ai le sa avea muamua ma sui o le All Blacks, le ali’i o Steven Luatua.
Ae o le tulaga o le afa (9)o le a ta’alo ai Jonathan Taumateine, ae fesi (10) ai le ali’i o D’Angelo Leuila.
O le uigi taumatau ua iai nei le alii ia Ed Fidow ma Nigel Ah Wong o alii ia ua tuu le centres o Duncan Paia’aua ma Ulipano Junior Seuteni, ae fulupeki ai Tim Nanai Williams.
O fa’aleoleo ua iai nei Luteru Tolai, Titi Lamositele, Paul Alo-Emile, Theodore McFarland, Fritz Lee, Melani Matavao, Christian Lealiifano, ma Neria Foma’i.
O le au lenei a le Manu Samoa ua tapena atu e fetaui ma le au a Tonga i le aso a taeao i le Apia Park i le itula e 3.
Peitai o Samoa lea ua tulaga 13i le fa’atulagaina o ‘au lakapi a le lalolagi ina ua malolo i lana ta’aloga ma le ‘au a Fiti i le vaiaso ua tuana’I i ai e 33 i le 19.
