17 Tesema 2024 Samoa: Ua faailoa mai nei ele Taitafono ma le Pulega Faatonu o Ava malosi e ala I se pepa o faamatalaga.
Olea iai ni suiga I taimi e tatala ma tapunia ai fale kalapu ma Pa pia mo aso fiafia ile kerisimasi faapea ai ma le tausaga fou.
E amata atu ile aso lua ole vaiaso fou I lona aso 24 o Tesema ma ole po tonu ole kerisimasi olea tatala ai fale kalapu ma Pa Pia ile itula e 10 ile taeao, ae tapunia ile 2 ile vaveao.
Ona toe tapunia foi lea ile taimi masani fale kalapu ma Pa Pia ile aso 25 o Tesema.
Ao mo le tausaga fou, aso lua 31 o Tesema olea tatala ai foi ile itula e 10 ile taeao ae tapunia ile 2 ile vaveao ole aso 1 lea o Ianuari 2025.
E mo le silafia ele mamalu ole atunuu, o nei tu’utu’uga uma ua faia olea le aafia ai Faleaiga ma faletalimalo oloo iai laisene aua ava malosi mo le faatauina o meaai ma meainu, faapea ai ma faleoloa o loo iai foi a latou laisene mo ava malosi mo oloa faatau taitasi olea tumau pea ona tapunia I taimi masani.
