Suiga o Nofotane i totonu o aiga

SHARE NOW

E ui o timuga ile Aso Faraile talu ai, ae le’i tamala ai le asiasiga a le Iuni o Europa , I le maketi a Nofotane i le nuu o Toamua.

 O lesi lena maketi sa faatu i taimi o le faapaaga a le EU CSSP ma le SVSG.

O le auga o le asiasiga I Toamua o le toe mata’itu lea poo faaauau ai lava maketi a nofotane lea sa faatupe mai e le fesoasoani a le EU, I le lua tausaga, o le 2020-2022.

E silia I le 2,000 tina o Toamua sa auai i le polokalame Nofotane.

Ma molimauina ai fua o lena atina’e, pei o oloa e maua ai tupe, e gaosia lava i lima ma tomai o le au Nofotane,

Ma atagia ai le  faamaite o tina ae o le siitia o latou tulaga i totonu o siosiomaga i aiga o latou tane poo fanau ma mafai ai foi ona saofaga le tina i totonu o mea fai aemaise o le tausiga o le fanau.

I le pepa o le faamatalaga mai le SVSG/Toomaga mo e Puapuagatia, ile faatalanoaga ma le pule o le Polokalame a le EU i Samoa, Shaleshni Prasad, “e lagona mitamita i sao o Nofotane o loo faia nei mo latou aiga ma lautele.”

“E lagona foi lona faagaeetia ile asiasiga i le aso.  Aua e le’i mafai e timuga ona taofia le asiasiga I le aso, ua mafai ai ona tatou feiloa’i ma le lalelei o tamaitai e ana galuega ua faaali, ae o le matagofie foi o le latou maau.

Saunoa foi le Prasad, ole polokalame lenei e taua tele ia te ia, ona ole faamalosi’au i tamaitai ma faa’oaina ai latou, ae o se faaauala lea e aloaia a le aia tatau a le tina foi latou i mea e mafai ona ia faatino.

O tomai eseese, pei o le mea taulima lalaga, o taleni eseese mai tina, pei o le su’isu’i ma isi auala o loo maua ai tupe ma faaititia ai le ola faalagolago.

Ua suia ai le tina sa sauaina ile mativa ma le le tagolima, ise tina ua ia te ia le tomai e galue ai ma avea o se tina e na te  mafai ona faaauau ai pea ona soifua manuia ma fai foi lona sao i le tamaoaiga o Samoa.

 Ma molimau ai le Nofotane o Toamua, Susuga a , Inailau Vaine Palaamo Elisara ile faafetaia e tina o le latou nuu, o le polokalame Nofotane mai lava ile amataga.

Ua fai faatoaga laau aina, o oloa lalaga ma gaosi e latou lava, ua faigaluega faatasi ai ma tama, ma siitia ai le tulaga o o latou aiga, pei ona molimau Inaillau Vaine Palaamo Elisara.

Ae o saunoa le Peresetene o le SVSG, Siliniu Lina Chang, o le polokalame Nofotane na soo ai Toamua i le 2022, ma faalauiloa ai lava i lena taimi le latou maketi i luga o fesootaiga televave. Ose tasi foi lena o auala e fesoasoani ai ile faatumauiana o le naunau o tina e faaaua pea ona faatino a latou galuega , ia avea ai ose alagatupe tuputupu pea a le aiga.

I le taimi ole asiasiga na faafetaia foi e le faipule o le Itumalo, mai Toamua, Ale Vena Ale na auai i lea aso, ma ia faafetaia le SVSG ma le EU ma le CSSP, ile aofia atu ai o Toamua i a latou Polokalame atina’e i nuu.