Ole lua ai lenei o vaiaso talu ona mae’a aloaia le taimi ole tama’ita’i Amerika, Noriko Horiuchi, lea na fai ma sui ole malo o Amerika i Samoa.
Ma ua sui tulaga ai Daniel Tarapacki e avea ma Charge D’Affairs. Ua iai i lea alii tomai faapitoa e aofia ai galuega e lagolago i lona malo sa galue i atunuu pei o Myanmar, Ausetalia, ma Sudio Arabia, e talitonu lea alii, ile sootaga ole galulue faatasi ma le agaifanua i atunuu oloo galue ai, ma o lana foi lena vaai i lona galue ai ile tatou atunuu, e aofia ai le amanaia ma faaaloalogia a tatou tu ma agaifanua.
Ole gagana lesi lea o aganuu a atunuu pei o Samoa, ae o lesi foi lena o vaega o lana galuega e fiafia tele iai, ole aoaoina lea o gagana eseese.
