O loo taofia ile falemai tele i Motootua mo togafitiga se vaega ole pasese a le Pikiapu lea na pa’u i le tulilima i Salani, ile taeao ole Aso Sa ananafi
O le faalavelave tau taavale lea ua faia nei iai le suesuega a leoleo pei ona lipotia mai ina ua tatou fesiligia. Peita’i ole Pikiapu Rental, o molimauina na malaga atu ai le aiga Fagalii lea mai Ausetalia.
Na faamoemoe e auai atu i le toona’i i Salani Falealili.
E toa sefulu le pasese e aofia ai ma le alii na ia avea le taavale ma le to’alua o tagata e nofo mau i Samoa nei, ae o le to’avalu e malaga mai fafo.
Sa mafai ona ava’e i luga ma avatu faanatinati ile maota gasegase, faaitumalo i Poutasi Falealili.
O tamaiti e to’alua o aafia ai, ole pepe lima masina ma lesi e lima tausaga le matutua, ae o isi o tagata matutua uma
O le tala mai le maota gasegase i Poutasi ina ua tatou fesiligia anapo, e leai se isi o totoe ai i le falema’i faaitumalo i Falealili, ua momoli uma ile maota gasegase tele i Motootua le Tupua Tamasese mo toafiitiga.
Ae o loo faia iai le suesuega leoleo. O le pioga lea i Salani ua faaigoa ole Tulilima, ona e milo tu lava taavale, ae o lesi ituauala ole tofe.
O molimauina e le tama ia Tumanuvao e masani ona oso i le magaala lea, e le’o se taimi muamua lea ua lavea ai se taavale i le tulilima.
O latou ia ua masani lava ile auala, ma o loo iai lava foi le faailoilo i luga ile sau mai Lotofaga .
