Taga’i leoleo i le saogalemu o le 2023

SHARE NOW

O tapenaga mo le saogalemu o le usugofono tele a Ta’ita’i o malo o le Taupulega lea e faia ma i Samoa ile tausaga fou, 2024, ua ave iai le vaai mamao ma le faataua a le Matagaluega o leoleo.

Pei ona agia ai i le fonotaga muamua a le Pulega ole Matagaluega mo le tausaga galue lenei ua amata.

O lesi mataupu na lotea i lea fonotaga muamua a le Matagaluega o leoleo ma Falepuipui, o le Vavae ese mai lea o le Falepuipui ma ana auaunaga toe fuataina mai Leoleo. O lesi mataupu o le Aoga faaleoleo.

Na ta’ua foi e le afioga i le Komesina, o lesi vaega na talanoaina i le latou fono muamua lea, o galuega o le tausaga ua tuana’i ma ona lu’itau, e toe faalelei ma siitia ai le matagaluega, a’o faagasolo ana galuega ole  2023.

Ma aloaia ai alii ma tamaitai ofisa uma , o taitai ma latou vaega i le faatinoga o tiute ma faiva  ile taimi o malolo le toatele o tagata faigaluega ile atunuu, ae o aso fiafia .

Ma faamalosia’u ai foi le Komesina ia faaauau ai pea, mo le saogalemu o le atunuu. Ae o auala, tuaoi ae o falepuipui ma polokalame toe fuataina.