Ua toe faatali ai alii e toatolu ise tala mai le famasinoga, faatatau I le latou mataupu, na loka sese ai e leoleo ile tusa o le ono tausaga talu ai.
O le mataupu lea na masalomia ai Vaeu’a Seiuli, Walker Seiuli ma Samuelu Bruce, I le maliu lilo ose tama i Afulilo, I le tausaga 2013, ae fa tausaga mulimuli ane, I le 2017 faato’a loka ai e leoleo alii o ta’ua I luga.
Peita’I talu e leai ni molimau a leoleo na maua ma latou toe ave ai I tua le mataupu lenei.
Ae ua silia ile ta’i lua masina talu ona loka Vaeu’a ma Walker ae masina ma aso talu ona loka Saumelu.
Peita’I ole Aso Lulu o le vaiaso talu ai na faatoa toe valaau ai le mataupu lenei, faasaga I le Matagaluega o Leoleo, o taualumaga o le tagi a le toatolu na loka sese faasaga I leoleo.
Ma tula’I ai le tamaitai loia, afioga a Mauga Precious Chang, ma Leiataua Jerry Brunt I luma o le Faamasino, o le Faamasinoga Maualuga, Justice Clarke.
Ua atoa ai nei le fitu aso talu ona tuuina atu le logo a loia o tula’I mo lenei mataupu, ile va o le Ofisa o le Loia Sili o tula’I mo Leoleo ma Loia o tula’i mo alii e to’atolu
Peita’i e le’o mafai ona faailoa faalaua’itele mai le aofaiga o le tupe o tagi ai I latou na tuuaia sese e totogi atu e leoleo.
Na saunoa le afioga I le Faamasinoga Justice Clarke, I le umi ona tuu o lenei mataupu, ua tatau ona faia iai se faatatau.
O le aso 22 e toe maua ane ai se isi tala o lenei mataupu.
