Ua silia ma le vaiaso talu ona faaulu le tusi ale Failautusi aoao a le Faatuatua ile Atua Samoa ua Tasi, FAST, le Susuga Vaaaoao Alofipo, i le Matagaluega o Leoleo ma Falepuipui.
O le tusi lea ina ua tatou fesiligia le Failautusi ile vaiaso talu ai, na ia saunoa, o loo ia talosagaina ai leoleo i lana mataupu, faasaga ile tasi o alii fasalalau mai Ausetalia, lea ua i Samoa nei, sa ia faia ni faamatalaga tau faaleaga i se vaega o taitai o le malo fou a le FAST.
I le tatou faatalanoaga lava lea male afioga i le Failautusi, na ia ta’ua , ua faaulu foi lana tagi, faasaga ile alii fasalalau lea.
Ae o lana tusi na ia talosagaina le faia ose taofiga faaletulafono, o lea foi tamalii i Samoa nei, talu ua tele ana tuuaiga le faavaea na faalele i luga o ana faasalalauga, faasaga i le Vaega faaupufai ma ona taitai.
E le’i toe maua se faatalanoaga ma le Susuga ile failautusi a le FAST, Vaaoaoa ile tuliloaina ose laasaga ua iai ile taimi nei lana mataupu, talu o loo alu malaga.
