Taimaelagi o le Ao o Mulifanua                     

SHARE NOW

O loo tumau lava le faalagiina ole Suafa Taimalelagi ile afioaga o Mulifanua, o le Ao o Mulifanua. O le faalupega lea o le suafa Taimalelagi e manatu alii ma faipule o le Lalovi Mulifanua, e sese. 

Ma oo atu ai lenei mataupu ile faamasinoga o fanua ma suafa ile tolu tausaga talu ai.

Peita’i e iai matai e toa fitu o Mulifanua sa latou lagoalgoina lea faalagiga, o le suafa, ma latou le usitaia ai le faatonuga a le nuu, ole Suafa Taimalelagi ole Tapaau tasi o Mulifanua ma sa i’u ai lava ina faatete’a uma na aiga e fitu o matua ma fanau, mai le nuu.

 Ae ile faaiuga a le faamasinoga maualuga poo itu o Apili o le Faamasinoga o Fanua ma Suafa ananafi, na lagolagoina ai e le Faamasinoga le faaauau ai pea ona faalagi le suafa Taimalelagi, o le Ao o Mulifanua. Ae le’o le tapaau pei ona mananao alii ma faipule.

Na tatou fesiligia le Afioga a Taimalelagi ile taunuuga o lea mataupu a lona nuu:

“O le latou finauga la e iai le latou talitonuga, o faaiuga ma iugafono a le nuu e tatau ona lagolagoina ma mulimulita’i ma lagolagoina e le Faamasinoga o Fanua ma Suafa, ae le tatau ona iai se aia, a le Faamasinoga o Fanua ma Suafa e toe suesueina ai iugafono na faia e le nuu.

“O le faafitauli lea sa iai e toa fitu matai o le nuu lea sa faatetea ie tausaga 2020 ma o latou aiga, ma latou fanau ona o le le usitaia o le talosaga a le pitonuu lea faapea, e le tatau ona latou omai e lagolago ma tautua le suafa Taimalelagi, o le ao i Mulifanua.

“Ae e tatau ona tape lea lava talitonuga ae faaaoga le talitonuga o le Tapaautasi o le nuu, o lea talitonuga na lapataia ai ma fautuaina ai e le Faamasinoga e sese, ile afioga i le alii Peresiteine e sese lea talitonuga ona o le faavae o Mulifanua mai le amataga o Taimailelagi o lona faalupega sao o le ao o Mulifanua,

“Ma o le taumafai ai a le mamalu o alii ma faipule e toe toso mai lalo ile tulaga Tapaau tasi a le nuu o se tulaga fou o se faatulaiga fou mai lea ile nei vaitaimi ae leo mafai ai lea ona suia le tulaga faavae mai o le tulaga suafa Taimalelagi i Mulifanua o le Ao o Mulifanua,

“O le fautuaga na ma le lapataiga na tuufofoga iai le afioga ile Peresiteine ao faamaumauina i totonu o le pepa ole faasologa ole faamasinga, proceedings o le faamasinoga ile aso ananafi, ma o se faaiuga matagofie tele e tatau ona silafia e le mamalu o le toatele o le tatou atunuu, 

“Ona o le talitonuga o le faiga nuu lea faapea, ina ua fesiligai e le Peresiteine poo fea le mea e tatau ona fai, pe fai le mea moni pe fai le mea malosi, ae sau le tali a alii poo le nuu poo le pulenuu o le pitonuu lea e suafa ia Seulu Iloa, ao lona tama o Seulu Sulusi Taulapapa ma oi laua ia na taulamua ile finauina o le tulaga lea e leai se aia, ma se puleaga faa faamasinoga e toe suesueina ai faiuga ua uma ona fai ia le latou faaiuga, pei la ona faatetea ai aiga nei e toa fitu,

“O lea la ua uma ona fai le faamasinoga ia o le uluai suesuega ua manumalo le itu a matou lenei, e iai le vaega e toa fitu lea sa faatea, ma ua poloaiga ai e le faamasinoga e toefeiloai matoe teuteu mean a eseease ai, ae tetee iai le pitonuu lea ma alii ma faipule latou te le fia usitai ma latou faapea mai e leai se malosiaga o le faamasinoga latou te poloaiga ai latou,

“Ma o le mea na tulai mai, ua toe nonofo foi ma toe fai le isi foi faateaga faalua o tagata lava nei e toa fitu ma toe faatetea i luga o lesi foi faatetea, na toe logo mai foi le ofisa i le Titles Court ma avatu loa le poloaiga e fai loa moliaga faasolitulafono, e lau la le iuga ananafi o loo  tumu leoleo i Mulifanua, e o atu e fai moliaga o le : Le usitaia o le Poloaiga a le Faamaisnoga. 

 Le faaao o Mulifanua, le afioga ia Taimalelagi Na’otala ile tatou faatalanoaga, ae tuliloa mai tatou tala ise taimi oi luma ise faatalanoaga ma faipule o le afioaga o Mulifanua