Ta’ita’i malaga le afioga i le Palemia ile fonotaga i Fiti

SHARE NOW

O le tamaitai Palemia le afioga ia Fiame Naomi Mataafa, o le a taitaia le usugafono a Samoa i le fonotaga a taitai o atunuu o le Pasefika (Pacific Island Forum Special Leaders Retreat) e faia lea i Nadi Fiti.

E auai ai foi ma isi Minisita o le Kapeneta, ma Ofisa Sili o nisi o Matagaluega a le Malo.

Ma e lua aso ua atofa mo lea fonotaga pei ona iai le aso Tofi ma le aso Faraile o le vaiaso lenei.

O le auga ma le faamoemoe o lea fonotaga pei ona ta’ua e le afioga i le palemia i le feiloaiga ma tusitala vaiaso ua mavae, sei talanoaina ai mataupu tupito mo le saogalemu ma le malu puipuia o atunuu uma o le Pasefika.

Ae o se fonotaga foi o le a faatino ai tulaga masani faavaomalo i le tuuina atu aloaia o le taitaifono i le Palemia o le Atu Kuki, a o lumanai lana taligamalo i le isi fono a taitai ua fuafua e usuia i se masina o lenei tausaga 2023.