Tala fiafia mo pisinisi tulisi i Samoa

SHARE NOW

O le ‘a tai vaiaso lava ma taunuu vaalele tuusa’o mai Saina ile tatou atunuu. Pei ona taunuu a le faigamalaga muamua o lenei foi laasaga ua oo iai le tau atinaeina ole tamaoaiga ile tatou atunuu.

Talu ona aafia tupe mai ina ua tapunia alavaa ile faamai ole koviti19.

Peit’ai e silia ile 150 tulisi mai Saina ua taunuu ai nei ile tatou atunuu ile po anapo: Ma agia ai i faalauiloa a le afioga ile Minisita o Faatoaga ma Faigafaiva, Laaulialemalietoa Polataivao Leuatea Fossie Schmidt, ole Viiga o le Atua, ua taunuu mai ma le manuia le faigamalaga.

Tausaga ma masina o tapena mo le taunuuga o le ‘a selesela ai le au fai faletulisi.

O le Minisita o le Matagaluega o “Tulisi ma le Minisita lagolago o le Matagaluega o Galuega na faafeai maia le faigamalaga muamua o tulisi ma le malo o Saina i Samoa.

I le faaaliga lava lea a le Susuga a Laaulialemalietoa, e le gata ina o le’a toe lalaga mai ai faletulisi, ma faletalimalo, ae o faleaiga, ma isi auaunaga ile atunuu, ae o le’a toe maua ai foi isi galuega mo tatou tagata.

Molimau foi le minisita ile aafiaga na iai pisinisi tau tulisi, ile taimi o le faamai, leai ni tagat afaigaluega, ae o malaga tuusao mai nei, o le’a fesoasoani i faletalimalo, ma siitia ai a latou tupe maua, ae aiga ma nuu.

O le Aso Toonai nei e taunuu ai lesi foi malaga e nonofo mo le tasi vaiaso , ae toe foi le vaalele ma tulisi na taunuu mai anapo.