E ta ane le ono I le taeao analeila, ua luga le pasese o le vaa muamua i Savaii atu I Mulifanua, faapena foi i Salelologa mo Upolu,
Peita’i ona o tulaga auaoa sa iai le taeao, o ta’ua e le ofisa o vaa I Mulifanua, e na’o le o lava o tagata I luga o le vaa ona faatalitali lea se’i malamalama poo a tulaga o le tau o iai.
FA’AMATALAGA O UIGA LOULOUĀ O LE TAU MO LAUFANUA MA ‘OGASAMI O SAMOA.
FA’AMAUINA E LE OFISA O LE VA’AI-TAU I LE ITULA E 5:00 I LE VAVEAO NEI
ASO FARAILE 24 FEPUARI 2023.
FA’AMALOSIA:
LAPATA’IGA O TIMUGA MAMĀFA
LAPATA’IGA O LŌLŌGA
FAUTUAGA O SAVILI MALOLOSI
FAUTUAGA MO ‘OGASAMI
O uiga susū ma loulouā o le tau o lo’o a’afia ai pea Samoa e āfua mai i se vaega o fetaia’iga o savili ma timuga o lo’o iai pea i luga o Samoa. O nei tulaga o lo’o tumau pea ona ‘aumaia uiga puaoa ma timu mamāfa i nisi o taimi e pei ona va’aia i le po ‘ātoa, fa’apea savili e malosi le fa’ata’uta’u. O timuga fa’a’umi’umiloa sa a’afia ai le atunu’u i nai aso ua tuana’i o lo’o susū ai pea le ‘ele’ele ma maualuga ai pea le avanoa mo lōlōga ma ‘ele’ele solo i nofoaga e a’afia gofie. O savili o le To’elau (savili mai Mātū) aga’i i le Vaito’elau (savili mai Mātū-i-Sasa’e) e 35-45 kilomita i le itula o lo’o a’afia ai pea le atunu’u ma o lo’o āfua ai le sousou ma le si’isi’i ai o le maualulūga o galu ma āuma i ‘ogasami o le atunu’u.
O nei tulaga o lo’o aga’i mālie i Sisifo ma e ono fa’asolo ai ina fa’aitiitia uiga loulouā o le tau i le aso ā taeao.
A’afiaga e ono ālia’e mai:
E timuga, puaoa ma mase’ese’e auala i nofoaga maualulūga, ma e lolovaia nofoaga i tafatafāala. E ono iai lōlōga ma ele’ele solo E fa’ata’uta’u savili i nisi o taimi, ma e sousou le sami.
Na taofia Malaga o le aoauli ananafi, talu tulaga louloua o le tau ile va o Savaii ma Upolu.
I le molimau a le tasi o pasese mai Savaii I le VAa o le 6 ile taeao, anaafi sa iai lava popolega ile auaoa ole taimi na Malaga mai ai, peita’i na fai si tuai taunuu ae na tuta lava ma le manuia, ma ia momoli ai le faamalo I le kapeteni ma le auvaa.
Ina ua tatou fesiligia le ofisa vaa I Mulifanua, ma ta’ua mai, e leai se Malaga o le 10, 12, 2, ananafi atlu le puipuiga ole saogalemu, ae na faato’a toe o Malaga I le 4 I le afiafi mo Savaii faapena foi ile Malaga mulimuli mai Salafai ananafi.
O uiga susū ma loulouā o le tau o lo’o a’afia ai pea Samoa e āfua mai i se vaega o fetaia’iga o savili ma timuga o lo’o iai pea i luga o Samoa
