E toe taunuu ai foi ile aso lenei lesi meli la’u pasese, ile uafu i Matautu mai le 6 ile taeao , ma toe malaga ese ile 4 i le afiafi.
O tulaga masani ai lava i tapenaga mo le taunuu ai ose meli e malaga mai ai tulisi ile tatou atunuu.
E iai palalagi e malaga i tafaoga i tua atu o le taulaga, ma le vaega miomio solo lava i le taulaga i Apia. Ma manuia ai foi faleaiga, pa pia, faleoloa ile taulaga, ae o pisinisi laiti o loo la’u atu a latou foi oloa iluga o le uafu.
I le nuu o Tulisi ile eleele fou, i tala ane o le Fale ole malo, ua iai tapenga masani, pei o le fale ta tatau, o le fale vane ai galuega taulima. Ma le pito ile sami ua taoto mai ai nei le Siva Afai ma lana ailao ae o ausiva, o taumafa ma vaiinu masani.
O anapo na molimauina ai tapenapenaga a le Siva , Lene Leota ma le Faletua ia Clare Leota, mo le tauvaga faalevaoamlo i le po o le tofi, Faraile ma le Aso Toonai.
O le’a faatino uma lena faamoemoe i le Malae o tulisi, tatala mo aiga uma, ua tele le avanoa, faatusa i le pu moomoo sa iai ile i Matautu.
Tolu po sosoo o le’a faatino ai le faafiafiaga o tauvaga Siva afi falaevaomalo. Saunoa Leota Lene, ua taunuu iinei le ausiva mai Hawaii, o Niusila ma Ausetalia., ma ua saunia foi le au siva afi a Samoa.
O le a tatala ai foi le latou siva afi faapitoa mo le Toa Samoa i le tatala o le tauvaga faalevaomalo , 2022.
