E lei faataga tali e le kamupani telefoni a le Vodafone le taunu’u mai o le Miss Global, le tamaitai ia Shane Tormes mai Filipino.
E ala i a latou tapenaga, na amata mai i le ava o le feiloaiga, e ui e leo iai se malamalamaaga o lenei tamaitai ma lana aumalaga ile tatou gagana ma le aganuu.
Ae o loo iai le manatu maualuga o le Vodafone e ao lava ona aloaia le faafeiloaiga o tagata nuu ese e afifio mai i le tatou atunuu.
O le auga ma le faamoemoe o le malaga mai o lenei tamaitai sei faasoa ma faailoa i taitai o le atunuu ae o soo se tasi le taua o le sao ma le avanoa tutusa o soo se tamaitai ma tina i totonu o soo se tauvaga.
Faataitaiga o le tauvaga sailia o se tausaga o le lalolagi mai soo se atunuu o le Pasefika ma isi itulagi.
Pei ona saunoa iai le tausala lenei mai Filipino na ia maua le faamatalaga e le auai Samoa i tauvaga tausala a le lalolagi sei vagana ai le sailiga tausala o le Pasefika ma Samoa lava.
Ae e lona oo mai ai Samoa e lei sau e suia mafaufau o taitai foi o le atunuu ma a latou faaiuga ua afua ai ona le mafai ona auai tausala o Samoa ile sailiga o se tausala o le lalolagi
Pau lona naunautaiga ia faasoa ma talanoa, peitai ua iai foi lona naunautaiga e fia mafuta atu i tagata nuu o lona atunuu o Filipino ua nonofo ma aumau i Samoa ma fausia ai a latou pisinisi.
Na faamatala e Shane o se fiafiaga ia te ia le oo mai ai i Samoa mo se taimi muamua ma faaamuia ai ia Samoa ma ona tagata ona o le ola fiafia ma saoloto.
