O lea talimalo ai Samoa ile masina fou o Aukuso mai le aso 10 ile aso 19 i atunuu e 29 o le lalolagi olea auai ile Tuuga vaa faavaomalo a le lalolagi ua faaigoaina o le IVF poo le Vaa World Distance 2023.
Peitai o le aso na sainia aloai ai le seleni tupe e $30,000 mai le Malo tele o Peretania ua ofo atu mo le Asosi Alo Vaa Paopao a Samoa aua o le Asosi lea o lea fegai ma le mataituina o tapenga o lenei faamoemoe tele.
Ma momoli ai le faafetai a le Peresiteine o le Asosi alo vaa paopao a Samoa le afioga ia To’aigaoalii Mathew Wendt ile Amepasa o le Malo o Peretania i Samoa le afioga ia Gareth Hoar mo le seleni ua taulimaina.
Ma o lea faaogaina lenei seleni e faaleleia ai vaega ma nofoaga o lea faatino ai lenei tuuaga ile masina fou.
Saunoa foi le Peresiteine o lea foi aso o lea matuai leai se ipu plastic e faaaogaina ma vaaia, aua o le tasi lea auga o le aso ia faamama gataifale o le atunuu.
Ua mautinoa foi o le laumua o Don Bosco ua tapena mo faafiafiaga e tatala aloaia ai le faamoemoe ma e silia ma le 1,000 sui mai atunuu e 29 o le lalolagi o lea taunuu mai i Samoa ile vaiaso fou.
