A’o feagai ai le tatou Palemia , Afioga a Fiame Naomi Mataafa ma malaga faalemalo, i Hawaii, Kanata ma Niu Ioka, ae ua tauavea ai e lana Afioga ile Sui Palemia, Tuala Iosefo Ponifasio, ana Matafaioi mo le taimi nei.
O le malaga lea ale afioga i le Palemia, ma tamaitai e to’alua o le Ofisa ole Va i fafo, ma le leoleo faafeao, na afea ai Hawaii mo se taimi ise fonotaga na faia ai. Ma faasolo atu ai i Kanata ile vaiaso nei lava. Ma le faamoemoe mo le fono a Malo aufaatasi, UN, masani ai a taitai e faia i Niu Ioka ile vaiaso fou.
Peita’i o le avea ai o le Afioga ile Sui Palemia, Tuala Iosefo Ponifasio ma sui ole Malo o Samoa, na ia momoli ai le faafetai ile malo o Iapani, i fesoasoani, mo le faaleleia atili o le Pulega o Fuimu ma faalavelave faafuasei.
O loo auai atu le afioga i le Palemia, i le fono a malo Aufaatasi i Niu Ioka i le vaiaso fou, e aofia ai ma le feiloaiga a taitai o le Pasefika ma le Peresetene o Amerika Joe Biden.
