Ua faamaonia mai ele afioga i le Taitaifono o le FAST, Laaulialemalietoa Polataivao Fosi Schmidt, le talia ele Vaega faaupufai a le FAST o le tofa a Foisala.
O le saunoaga foi lea a le afioga i le Failautusi aoao ole Vaega faaupu fai, Vaaaoao, ” ole afiafi o le Aso Gafua e feiloa’i ai le pati , ma o le mataupu lena e talanoaina ai.”
Ae ole alu sa’o lava o le faipule fou i le FAST , o le faamoemoe lava lea na iai, pe’a manuia mai le palota laititi, pei ona taunuu nei iai.
“E le tau su’ea so’u ala i Malo” ose tala mautinoa lava lea ma faamaonia na saunoa iai le faipule filifilia ole Itumalo o Gagaifomauga Numera 2, Foisala Lilo Tuu Ioane ina tatou fesiligia.
O le tatou faatalanoaga ma le faipule na faia lava i lona maota i Lefagaoalii uta, ile uma ane ai ona aloaia o le taunuuga o le faitauga aloaia o le palota laititi a lona itumalo.
Ole faitauga sa faatoa fai i le taeao o le Aso Toonai 4 Iuni ina ua taunuu mai i Savaii nei palota na faia i le faletaalo i Tuanaimato i Upolu ma palota faapitoa. Na amata le galuega ole faitauga o palota, mai le 10am-3pm. Ma uma ane , e palota silia lava Foisala Lilo Tuu, i palota e 60 mai le matai na sosoo atu iai.
Ae usi mai le faafofoga ise vaega o le tatou faatalanoaga ma le afioga i le faipule filifilia o Gagaifomauga 2, le Tofa a Foisala Lilo Tuu,ma le mafuaaga na ala ai ona toe sui lona mafaufau e alu le tofi.
“Faafetai i auauna ale Atua, i afioaga uma o le itumalo, ile tatalo ma le filemu. Faafetai foi i le Itumalo atoa, mai Paia e oo atu i Fatuvalu, ua taunuu ile si’ui le faamoemoe ole itumalo, o la tou pule lea. Ae o le faafetai i ia Sooalo Poka, Falesaopule, ma Lomia Tauloa, i le taaloga manaia o le vaiaso.
” e le tau sailia so’u ala i malo, aua upufai o malo, ua taooto mai tiasa nisi o lenei aiga na asa le gasu ole taeao, aua Samoa ma ana upufai o malo.
” e le tau sailia so’u ala i malo, aua upufai o malo, ua taooto mai tiasa nisi o lenei aiga na asa le gasu ole taeao, aua Samoa ma ana upufai o malo.
Tuu Lolesio, Lavea Lio, Polataivao Fosi, Laaulialemalietoa, Sooalo Mene, sosoo mai ai ma lo’u taimi nei.
Ae o le faafetai i aiga i fafo ma aiga i Samoa nei, ua taui i manu le faamoemoe, e viia ai le Atua. Faafetai i lo’u aiga i Lefagaoalii, tina ia Valelia ma Meleane o matou mafutai Samoa nei.
Ae o le faafetai i aiga i fafo ma aiga i Samoa nei, ua taui i manu le faamoemoe, e viia ai le Atua. Faafetai i lo’u aiga i Lefagaoalii, tina ia Valelia ma Meleane o matou mafutai Samoa nei.
O lavasiga uma na taumafai iai Vaele mo le itumalo, ou te le toe see ese ai. O a fuafuaga, o iai, oute faaauau aua se manuia o le itumalo ma le afioga nei. Ae fesoaosani mai le Atua soifua ma ia manuia.
