Tala toe tuliloa, mai le Matagaluega o Leoleo ma Falepuipui, le faatoa molia ai nei ile Aso Toonai 9 Iulai, e leoleo o le alii faasalalau Mai Ausetalia, le Susuga a Tiumalu Maifea Fetu.
Na faamaonia mai e le Afioga i le Sui Komesina le tumau , Susuga Papalii Epho Moalele , i le po o le Aso Toonai 9 Iulai, le faato’a faia ai moliga a leoleo faasaga ile Susuga a Tiumalu o le faalumaluma, ae e ono toe iai nisi moliaga faaopopo.
Peitai i tatou lipoti muamua, o le lua vaiaso talu ai na tuuina atu le mataupu lea, e le Failautusi aoao ale FAST, Vaaaoao Alofipo le mataupu lenei i le Matagaluega o Leoleo ma Falepuipui.
Na ta’ua ai e le Susuga Vaaaoao, na ia tusi atu i le Matagaluega, e talosaga ise auala e taofia ai le tamalii lea mai le toe foi atu i Ausetalia. Ma faasolo ai ina faaulu lana tagi, i leoleo ile mataupu pei ona ta’ua i luga.
