Mai le fa’amasinoga, ua faataga ai nei ona malaga le faipule o Faleata Lealaipule Rimoni Aiafi i NIusila.
O le faipule lea o loo faatutu iai lesi vaega o le tagi a le faipule manumalo o Vaimuaga 3, i faatosina o le palota. Faatasi ai ma le matai ole itumalo sa lei manuia ile taunuuga o le palota laititi ale itumalo.
Ae o le tagi a le faipule filifilia a Vaimauga 3, Lautimuia Uelese Vaai, e tali atu ai ile tagi a le matai na lei manuia ile palota laititi, ma tuuaia ai foi le itu tagi i faatosina faatasi ai ma le faipule o le HRPP Lealailepule.
Peita’i na talosaga le loia a Lealailepule, afioga Fuimaono Sefo, e faataga Lealailepule e malaga I fafo ma fai mai ai lana molimau I luga ole zoom, fesootaiga faaona po nei.
Ma o le vaiaso nei ile Aso Lua na valaau ai lena talosaga, ma talia i lalo o le tuutuuga, o loo iai lona pepa malaga e toe foi mai ai i Samoa, o le mafuaaga ose fuafuaga ua leva ona fuafua mo le fia faatasi atu i ona alo o loo i Niusila, ma talia ai e le faamasino.
