I tala faasolopito ole malo tutoatasi o Samoa, lea e faamanatuina ai ile Aso Lulu o le vaiaso nei le atoaga o le 60 tausaga talu ona sisi le fu’a o le sa’olotoga o Samoa.
Ma faamauina ai ole Palemia muamua o Samoa ile 60 tausaga talu ai, o le tauaa ole tamaitai Palemia, ua tu mai nei ile taitaiga o le malo, Ole Palemia Tamaitai muamua foi o Samoa.
Ua tele matati’a e faatuina e le Afioga i le Sa’o Faapito, Fiame Naomi Mataafa.
Lea foi ua faaopoo atu iai ma le ave iai ole faaaloalo a le malo, e nate sisiina a’e le tagavai o le Saolotoga o Samoa ile aso Lulu, 1 Iuni 2022 o lona 60 tausaga.
Lea foi ua faaopoo atu iai ma le ave iai ole faaaloalo a le malo, e nate sisiina a’e le tagavai o le Saolotoga o Samoa ile aso Lulu, 1 Iuni 2022 o lona 60 tausaga.
Ma tatou fesiligia i sona finagalo faaalia i taunuuga ose vaega o lona soifua galue pei ta’ua i luga
O le afioga a Fiame e lona fitu iai Palemia o Samoa, o lona tuaa le afioga a Fiame Mata’afa Muliuu ll, ole Palemia muamua o Samoa.
Peita’i o le afioga i le Sa’o Faapito, ole Sui Palemia tamaitai muamua foi 2006-2011, sa Minisita o le Matagaluega o Tina ma Tamaitai ma Aga fesootai, 2011 ile 2016, Sa avea foi ma Sui taitai ole HRPP, 2016-2020. Na faamavae mai le malo i lona teena o le pili o Fanua ma Suafa, ae tausaga mulimuli ane avea ose sui faavae o le Vaega faaupufai fou a le FAST, ma tofia Ia Mati o le 2021 e avea ma taitai .
Ma faamaonia ai e le faamasinoga, le avea ai o le afioga a Fiame ma Palemia o Samoa talu mai le aso 24 o Me 2021. I faamaumauga o tala faasolopito o le afioga i le Palemia, e tutoatasi ane Samoa mai ia Niusila i le 1962, ae faatoa lima tausaga o le soifua o lona matua.
