I le toe tuliloaina o le Faaiuga a le Faamasinoga maualuga, ile talsoaga apili faasaga ile alii leoleo Satini o Vaiusu, Khamtan Stanley, ma le Matai o le afioga lava lea o Vaiusu, Ulugia Lomalasi Laufili.
Ua talia ai e le faamasinoga le talosaga, ma faamaonia ai le soligatulafono ai la’ua o ta’ua i luga, e sootaga i le maliu ose alii talavou lava o Vaiusu ile 2019.
Ole faaiuga lea ale afioga Justice Vaai ile vaiaso talu ai, 25 o Aukuso, ile uma ane o le faamasinoga sa faia ai le aso 1 o Akuso 2022.
Sa faaleaogaina ai moliaga. Na ioe le to’alua lea i le faamasinoga faaitumalo, i moliaga o le faaooman’ua.
Peita’i na maunuia le toe taumafai ai le alii Satini leoleo e faaleaoga lona moliaga i lalo o le vaega 69 o le tulafono, o faaiuga 2016, Sentencing Act 2016.
Na faaleaogaina foi moliaga o lesi alii, ile faaiuga na avatu iai ele faamasino, ole Faamasinoga Faaitumalo: Judge Schuster. O le Loia tutoatasi afioga a Leinafo Taimalelagi na apilia le faaiuga lena, mo le Ofisa ole Loia sili, iai o le faaletonu i le faaiuga a le faamasino fua ile mea na tupu ma le sootaga ile solitulafono.
O le mea na tupu:
E tusa ai ma le faaiuga, pe o le 5:15 ile vaveao ole aso 23 o Novema 2019, na ala ai le alii leoleo ina ua ee lona to’alua sa moe i ona autafa.
I faamamauga, ole ee a le fafine na sola ai i fafo se alii sai le potu, e lei maua Khastan ma toe alu ane ai i lona to’alua ua fememea’i ile mea na tupu.
Na siaki le meapueata ma iloa ai, o le tagata lea na tau atu ai Khastan i talane o le auala tele, ma fesili iai. Peitai na toe foi le alii leoleo lea ile auala tele ma tau atu ile tama lava lea e foliga e ona ma avane ai loa ile faapaologa o le latou fale ma faamasino.
E ui sa tetee , ae na faaoolima iai le alii leoleo i foliga. mulimuli ane ioe le alii lea i lona ata na maua ile camera, ma faaauau ai lava ona faaoolima iai le leoleo, po, kiki ma tui.
Na lagona atu e le tuaoi ia Ulugia le faaletonu, ma alu atu ai foi ia ma le laupapa faaoolima i vae o le o taatia.
Uma ane le tusa o le 5 i le 10 minute i totonu o le fale, na toso i fafo ile faapaologa ma faauau ai ona po e le leoleo ma tui foliga kiki le patua ma ona oo, ae o loo taatia lava lea alii lea ma pupuni ona foliga.
Ma taunuu atu loa leoleo, ile tusa o le 27 minute mulimuli ane ole faaoogalima. E le’i iai se teena o le faamatalaga a leoleo.
O ta’ua ile faaiuga, na molia muamuau le toalua lea i le fasioti tagata pa’ivalea, i luma o le Faamasinoga Maualuga, peita’i na toe ave i tua le moliaga ogaoga lena , ae ioe ile moliaga maulalo ifo, ile Faamasinoga Faaitumalo, ile faaoomanu’a faamoemoeina.
I le taunuuga o ta’ua ai ile faaiuga a le faamasino ole faamasinoga Faaitumalo, Judge Schuster, na tilotilo i aafiaga ole mea na tupu, ma e talafeagai le laasaga poo le mea na faia e le leoleo ia Stanley.
I le oso fale ole tagata lea i le fale ile vaveao a’o momoe le leoleo ma lona to’alua.
Na talia e le faamasino o le faaamasinoga maualuga, Justice Vaai, le talosaga , ile lape ole vaai a le faamasino ile mamafa o le solitulafono.
E tolu lava sauaga na faatino ele Khamtan , pei ona ta’ua i faamaumauga, ma ioeina e la’ua uma e to’alua o tuua’ia.
1: O le faapaloga ile taimi na maua ai le na tuuaia, ma po ona foliga e Khastan.
2: O lesi mea na tupu o totonu o le fale, ina ua ioe ane le na osofale o ia lea ei luga o le camera, na toe po, kiki ma tu’i ai.
Sa pa’u i lalo a’o sauaina, ma alu atu ai Ulugia faaopopo ile faaoogalima ma ia ta ai le alii o taatia ile laupapa.
3: O le toe tosoga e Khastan i fafo i le fapaologa o le ua aafia, ma faaau ai lava le sauaga ile taimi na taunuu ai leoleo.
E lima manu’a ogaoga o lona tino ma le, 14 isi manu’aga pei ona ta’u ile molimau a leoleo, mai le kiki, tui ise tagata o taatia. Sa tigaina ma taufaamata’u le faaoogalima.
I le faaiuga a Justice Vaai o ta’ua ai, ole faaoogalimai i fafo i le faapaologa ma lesi faaoolima i totonu o le fale ina ua ioe le alii osofale, e faamatala ai le mafuaaga o le faaoogalima a Stanley.
Ae o le toe tosoga i fafo i le faapaologa ma faaauau ai le sauaga, ona o le soli atu o le fale a’o momoe ma lona toalua. O le sauaga e tusa i le 27 minute, ua le mafai ona faamatala ose mea na tupu loa ma tali atu iai.
Ae o saunoa Justice Vaai, o le solitulafono a le itu tetee, e ogaoga ma umi sona faasalaga falepuipui.
Ua talia ai le talosaga apili ma le faamauina o solitulafono a le to’alua o tuua’ia.
Peit’ai o loo iai le avanoa e faaulu ai nisi folasaga a loia ile aso 19 o Setema, a’o lei lauina lana faaiuga ile aso 26.
