Talia le aso e toe amata ai galuega a le Faamasinoga

SHARE NOW

Faato’a amata ai ile vaiaso fou galuega a le Matagaluega o Faamasinoga, ma faatino ai lana agaifanua masani, ole faia o lana faigalotu e talosia ai galuega ole tausaga 2024.

Ole faamasinoga Maualuga, ole faamasinoga faaitumalo, ole faamasinoga o Fanua ma Suafa ma ona lala uma, ae ole aufaigaluega, o faamasino ma loia, o le’a faatasi atu ile Maota faamasino ile Aso Gafua oi luma mo lana sauniga lotu masani ai.

O aga lava ia ma tu a matagaluega a le malo, e lima taitaina ai galuega amata o le tausaga pei ona mae’a faatino e isi foi matagaluega o le malo.

O le amataga o le vaiaso asau i le Aso Gafua o le a faia ai le lotu masani a le matagaluega o faamasinoga ma le faafoeina o le fatulagaga o ana mataupu tau faamasinoga, e talosia ai galuega o lenei tausaga fou.

O lea sauniga lotu o le a auai alii ma tamaitai faamasino e lē gata o le faamasinoga faaitumalo, faamasinoga maualuga, ae faapea foi i le faamasinoga o fanua ma suafa.

O le a auai foi le aufaigaluega a le matagaluega i ona vaega eseese, ae faapea foi i le vasega o alii ma tamaitai loia o le sosaiete a loia i Samoa.