Talia le faaiuga a le Faamasino sili

SHARE NOW

O lo o faatali le faaiuga a le Faamasino Sili Justice Perese, ile mataupu tau faamasinoga a faipule e toalua o le HRPP o loo faasala, Tuilaepa Sailele Malielegaoi and Lealailepule Rimoni Aiafi, o finau mai ai, e solitulafono le faaiuga a le Palemene ua le maua ai ni o la totogi.

I luga ole Talamua, o lipotia ai le finau a le Loia a faipule, Kings Counsel Justice Rodney Harrison, o faapea mai ai, soo se faipule lava o lana aia tatau o le maua o lona totogi tusa lava pe faasala.

Ma faapea ai o le faaiuga e taofia o la totogi, sa fua I luga ole vaega o le Tulafono Tumau, Standing Orders, ae sa tatau ile Palemene ona tagai ile vaega o le tulafono Faavae, o se isi faamaumauga e fua iai lana faaiuga. O le vaega 3 (3) ole tulafono (a) 15 o taua ai o totogi ma tupe maua mo faipule e totogi ona ua avea ai ma faipule se ia oo lava ina uma lona tofiga.

O le Tulafono Tumau 187 (5) e le totogia ai pe afai o loo faasala.

Ae ole feagai ai o le tulafono faavae ma le tulafono tumau, o loo finau mai ai faipule, ile faapito tasi o le vaai a le palemene, ile Tulafono tumau, ae sa tatau ona faalautele atu le vaai ile tulafono faavae.

Ma fesiligia ai , lea aia a le Tulafono tumau ole maota ile Tulafono Faavae o Samoa.

Ae manatu le Loia o tula’i mo le Fofoga Fetalai o le maota, Taulapapa Brenda Heather Latu, o le taofia o totogi ole vaega o le faasalaga.

Ole mataupu lea na fofogaina i luma o le afioga ile faamasino sili, Justice Perese talu ai nei, o lesi foi lena tagi a Tuilaepa ma Lealailepule faasaga ile faaiuga a le Palemene.

O le finauga lea ua iai nei e fa mataupu o tuuaia ai le sese o le faaiuga a le palemene.

Pei o le feutanaiga ile va o le pulega ole faamasinoga, ma mataupu tau ile Palemene. Lona lua, Ole tulaga o le faamasinoga, ua uma ona faia lana faaiuga o Tuilaepa faasaga ile Fofoga Fetalai 2022.

Tolu o le faaiuga faasolitulafono i luga o tuuaiga o le faalemigao I le faamasinoga na faamaonia, e manatu le itu talosaga, e lei iai ni faavae faatulafono na fua iai lena faaiuga le faatuatuaina.

O loo finau mai foi o le faasalaga lua tausaga, e solitulafono, aua sa fua I luga o le moliaga o le le migao I le faamasinoga, e talitonu le toalua lea e solitulafono. Ma o loo faatalia ai nei le faaiuga a le faamasino sili.