Tala toe tuliloa o le maliu faafuase’i o le tamaitai Pule o le TV3 i le faaiuga o le vaiaso i lona maota i Ululoloa.
Ua faamaonia mai e le Sui Komesina ole Matagaluega o Leoleo ma Falepuipui, Susuga Papalii Monalisa Keti, e le mafai ona ave i tua le tino maliu ole Afioga a Aotearoa Pesamino Mayer.
Talu o lea ua taofia ai nei ile falemaliu i lalo o le faatonuga a le Pule o Maliu, poo le Coroner e faatali ai le taunuu mai ose Foma’i Faapitoa mo lona taotoga faaletulafono.
E iloa tonu ai le mafuaaga o le maliu.
“O le tulaga lea ua iai mo le silafia ua maea ona oo atu le Matagaluega i le pule o maliuy, ua maea ona tuuina mai le faaiuga o le puloe o maliu o lea taofi le tino maliu o le mafine, sei talia le aso o lona taotoga, ua sau ai ma le faaiuga ale pule o maliu sei talia le aso e valau ai le 19 masina 7 o lenei tausaga,”
“ Ole tulaga ia tino maliu, pau le mea e alai ona taofi sei maea lelei taotoga faapitoa , faatoa mafai lea ona release tua i tino maliu i aiga e faatino tulaga masani,”
E le’o mautinoa mai poo ai isi maliu e toalua, peita’i ua toafa maliu lilo o taofia tino i le falemaliu ole TTM. Ole to’alua o na tino maliu, oni tamaitai o masalomia i sauaga i totonu o aiga, domestic violence.
Peita’i e faato’a iloa le faamaoniga o lena masaloga pe’a uma suesuega faaletulafono ale fomai o maliu lilo.
O le aso Lua o le vaiaso nei tusi atu ai leoleo i Fiti, mo se fesoasoani a le Foma’i faapitoa. O le masina talu ai na malaga mai ai foi i Samoa e faatino taotoga faaletulafono, i maliu lilo e 12 sa taofia.
