O le ’a manatua pea e tama fanau a le afioaga o Fogapoa Savaii, le faalavelave mata’utia na tupu i le latou nuu i le aso 23 o Iuni 2022. Ina ua maliliu ai faafuasei se tama ma lona atalii mai manu’aga tuga ose tama’i fana, e le faatagaina i Samoa, ma e le mafai foi ona lesitala lena ituaiga.
Ole faalavelave lea na tupu ile Aso Tofi o le vaiaso talu ai, ae faatino le ifoga i le faaiuga o le vaiaso.
Ole ifoga ose laasaga lea o le faatoesega pito sili ona maualalo ile tatou agaifanua.
Ua uma ona le ifoga ale aiga o le alii ua taofia ai nei e leoleo . ae ile tali mai a le sui Komesina o leoleo ile tatou faatalanoaga ile faaiuga ole vaiaso, Auapaau Logoitino Filipo, “ua molia foi lea alii ile fasioti tagata faamoemoeina.
I le uma ane o le osofaiga lea ile aupega mata’utia, e toa’tolu na manunua, ole tama male atalii ua maliu ma le toalua o le atalii. Na togafiti manau’a o lona lima mai le taumafaiga e puipui lona to’alua, pei ona ta’ua e le Auapaau.
Ae mole puipuia ole filemu, na feiloa’i atu ai lava leoleo i aiga na aafia, ma taitai o le afioaga, e taatia ane le mataupu i leoleo, mo le saga puipuia lea o le saogalemu o tagata uma. E oo mai nei o loo filemu pea le afioaga,
Peita’i o le tama na ia faatupu le vevesi ile Aso Tofi talu ai, o ta’ua e Auapaau , o le masina fou e valaau ai e tula’i i luma o le faamasinoga.
