Talia le pasia e le Kapeneta o suiga fou mo galuega faavaitaimi

SHARE NOW

O loo talia le isi fonotaga a le Palemene e pasia ai ta’iala ma faiga faavae fou mo galuega faavaitaimi pei ona folasia mai e le Minisita o le Matagaluega o Pisinisi Alamanuia ma Leipa le afioga ia Leatinuu Wayne Sooialo.

I le toe faatulaga sa’o lea o taiala ma tu’utu’uga o faigafaavae mo galuega faavaitaimi ma i latou o loo malaga i nei galuega. Faamaonia mai i le faatalanoaga a le Minsita le afioga ia Leatinuu Wayne Sooialo ma le nusipepa a le malo le Savali, ua iai nei suiga fou ua taumafai le Matagaluega e toe vailiili lelei ma faatulaga loa i ona faatulanaga sao Saunoa Leatinuu.

Ilalo o taiala o galuega faavaitaimi e na o i latou e le faigaluega ma tagata ua atoa le 6 masina ua le toe mafai ona faigaluega e mafai ona maua avanoa i galuega faavaitaimi.

Peitai i faamaumauga a le Matagaluega o Alamanuia ma Leipa oloo faamaumau ai le aofia o tagata e leai ni galuega, ae ua maitauina ua siitia le fuainumera o tagata o loo agai i galuega faavaitaimi ae o loo tumau lava le lisi o tagata e leai ni galuega.

O lona uiga o loo iai le vaega tumaoti oloo faia le galuega lenei o le auina i fafo o tagata o loo faigaluega i galuega faavaitaimi, e aofia ai ma tagata faigaluega a le malo pei o fomai, leoleo, ma faigaoga pei ona taua e le Minisita.

Peitai ua agai nei le Matagaluega o Alamanuia ma Leipa e aumai le lisi oi latou uma o loo malaga i galuega faavaitaimi mo suesuega e faapea, a saili atu lou suafa o loo faamauina sa faigaluega ma o loo tului pea lau saofaga i le NPF i le lua vaiaso o lea mafai ona faamuta ai loa le avanoa e toe malaga ai le tagata lea.

O lea iai foi le malosiaga e faamalolo ai se tasi o le aufaigaluega o lea le usitaia faiga faavae o galuega faavaitaimi.

Ua silia ma le 4,000 i latou ua agai i galuega faavaitaimi ae o le taimi nei ua taumafai le Matagaluega ma le malo e ausia faiga faavae o galuega faavaitaimi pei ona taua i luga ina ia ausia ia le 6,000 o le fuainumera o tagata e le faigaluega e tatau ona maua avanoa mo galuega nei i Ausetalia ma Niusila.