Ua faasaoloto ai nei e le Faamasino ole faaamsinoga Maualuga, le aii o Steve Afiafi Faatasi o Aele ma Auala.
Ina e le’o mafai e leoleo ona faamaonia moliaga ole fasioti tagata faasaga ia te ia.
Ile faaiuga a le Faamasino o le Faamasinoga Maualuga, Justice Clarke ile vaiaso talu ai. Ile maliu o Sauaga Iese, 44 tausaga o Aele.
Ole lipoti ole sueuega faapitoa, poo le postmoterm, na iloa ai le aafia o foliga ma le ua o le na aafia mai se mea faitino matatupa, ma lavea i ona foliga ma lona ua.
Ae ile suesuega lava lea, o ta’ua ai o le mafuaaga o le maliu, ona ose manuaga tuga I lona ulu.
O le aso 12 o Oketopa 2016 na molia le na tetee ile fasioti tagata.
Peita’i ina ua toe faatulaga le mataupu lenei e valaau I le aso 20 Mati 2023, Ae talosaga le itu a leoleo e toe faaui i tua moliaga faasaga ile itu tetee.
O le mafuaaga ole talosaga e faaui I tua moliaga, , ona ua malaga i atunuu mamao molimau autu a leoleo. Na saunoa ai le Faamasino, ile faigata ona malamalma ile mataupu lea ua lata I le fitu tausaga ona taatia e leai se iuga, ma ua molia foi le tagata, ae ua talosaga le itu a leoleo e faaui I tua moliaga.”
Ole faamasinoga ole matupu lea sa faatulaga mo le aso 26 Iuni 2017, toeititi ono tausaga talu ai.
Ae o le tele o isi valaauga ole mataupu lava lea, sa toe tolo ona e le’o avanoa le itu a leoleo.
O lesi talosaga a le loia o le aso 26 Iuni 2017 e tolopo le mataupu lava lea talu ai sa faama’ia ona alo.
Ma saunoa ai le Faamasino, o le faaauau ai ona tolopo o mataupu a le faamasinoga, ma le taunuu, e fesiligia ai foi le galuega faatino a le Faamasinoga.
E tatau lava ona tatou galulue ile mea mea gata ai, I le Faamasinoga ma loia a le malo, ma loia o itu tetee, e faataunuu mataupu e tatau ona faamasinoina.
I na saunoaga sa faia ilea so 19 o Iulai 2022, a le Faamasino, Ae fa masina mulimuli ane, ile aso 16 Novema 2022, ae malaga i fafo molimau autu e to’alua i galuega faavaitaimi i Niusila, e faigaluega ai mole fitu masina.
Molimauina ai e leo iai se laasaga na faia e le loia poo leoleo e faamautu ai le iai i Samoa o molimau i le taimi ole faamasinoga.
Ma faamauina ai e le Faamasino, le faaumiumi ona toso o lenei mataupu ma ona taualumaga, e le’o faamalieina ona ole taimi na toso mai ai, mafuli lava i luga ole talosaga pea o loia a leoleo, ma ua faia ai foi lana faaiuga, e talia le talosaga a loia a leoleo e faaui i tua moliaga faasaga i le na molia.
