Ua le tasi pe lua faasea faasaga i leoleo ma le faatamala i le faiga o molimau mo mataupu a le faamasinoga. E oo lava ile faamasinoga sili ona maualuga a Samoa, le Faamasinoga o Apili, ua latou faapupula mai lava lea lape i galuega faatino a leoleo .
I totonu o le faaiuga tusitusia o le apili a le tama ia Kolani Junior Lam na faamaonia lana soligatulafono o le fasioti tagata.
O le faamasinoga lea o Apili e tolu faamasino mai fafo na saofa’ia, ma le fa’amasino ole faamasinoga maualuga a Samoa.
Na latou iloiloina le talosaga apili a Kolani, faasaga i lona faasalaga soloatoa, ile masina talu ai, lea ua aumai uma le faaiuga o lena apili i le vaiaso talu ai.
O loo faaleaogaina mai ai lana apili faasaga i lona faasalaga soloatoa, peita’i o le apili faasaga ile faamaoniga o lona faaoolima ma le faaiuga a le faamasnoga, o loo talia, o moliaga faamaonia ua faaleaogaina, ma talia le talosaga o le tali tetee i le faaiuga. Taua ai e le faamsinoga apili, e malamalama ile itu o loo finau mai ai le na molia ile taulimaina e leoleo o molimau.
