E 17 fale palota atofa i vaega o le Itumalo ma fale palota faapitoa/faasavali e lua i tua o le a faagasolo ai le faiga filifiliga a le itumalo o Vaimauga 3.
O le faamoemoe ole Itumalo ua amata atu ai ile Aso Lulu ma le Aso Faraile o le vaiaso nei, 22 ma le 24 o Fepuari 2023.
Peita’i o maota ua atofa mo le palota laititi ua faia nei, e aofia ai le maota o ekalesia EFKS o Faatoia, Tanugamanono ma Vailima lea ua atofa mo le palota muamua poo le pre-polling i le aso Lulu.
Ae o fale palota i le aso 24, o le maota o le ekalesia EFKS, ma le ekalesia Metotisi i Magiagi, o Matautu tai ma Matautu uta , maota o le ekalesia AOG poo le Assembly of God i Leonē, maota o le ekalesia Metotisi i Tanugamanono, EFKS i Loimata o Apaula, Metotisi i Papauta, ma maota o ekalesia Katoliko i Vailima ma Malololelei.
O le falemai i Motootua ma le nofoaga o tamā ma tina matutua i Mapuifagalele o fale palota faasavali ia mo le motu o Upolu, ae o le maota Samoa o le Matagaluega o Tina ma Tamaitai atinae o afioaga ma aga fesootai i Salelologa, o le fale palota faapitoa mo le motu o Savaii.
O le matai oi latou e toatolu o loo tauva mai ile aso ma le aso Faraile, o le ‘a toe nofoia ma ai le 53 o nofoa o le Palemene o Samoa, talu ona tuua le malo e le faipule, Susuga Papalii Niko Lee hang. O lesi lea itumalo sa vavao le tau faamautuina o le latou Oifsa faaitumalo, mo le poloketi miliona tala a le malo.
Peita’i na tatou molimauina le toe maopopo ai o itu uma ma umusa ai lo latou maota fono i Vailima i le masina talu ai. Taimi nei e fua ise faaiuga a le faamasinoga le toe foi e fai palota laiti pe leai foi, itumalo e tolu na savali ese mai a latou faipule ma le vaega faaupufai a le HRPP.
O Faipule o Itumalo na e aofia ai Tu’uu Anasii Leota o Siumu, Mau’u Siaosi Pu’epu’emai o Vaaofonoti ma Ale Vena Ale Faleata 4.
O le taunuuga o le faigapalota tele a le atunuu ia Aperila 2021, ua afua ai le 53 nofoa ole Palemene o iai nei talu le 10% mo nofoa tamaitai.
I faamaumauga ole lola palota a Vaimauga 3 i tapenaga mo lana palota i le aso, e lata i le 200 palota agavaa ile palota muamua, mo le vaega penisione, o tagata e iai manaoga tumau.
Peita’i o tulaga masani ai lava le avanoa ole Aso Faraile ole palota autu a le Itumalo, e palota uma ai tagata ua lesitala e aofia mai latou na misi atu ile palota muamua ona o tuatuagia. I faamaumauga e silia ile, 4afe 6selau tagata lesitala o le lola a Vaimauga 3 (4,678.)
