Ua alo atu ai le malo o Amerika Samoa i lana palota tele ile aso lenei, 5 Novema i le motu o fiafiaga.
O se taimi o le afiafi nanei, e iloa ai se taunuuga o le faigapalota tele a Tutuila ma Manu’a.
Mo lana Kovana ma le sui Kovana, ua toe tauva mai ai le paga a Lemanu Palepoi Sialega Mauga mole tofi Kovana, ma Laapui Talauega Eleasalo V. Ale mo le Lutena Kovana.
O lesi paga o loo tauva mai mo le tofiga Kovana ma le sui Kovana,
Pula Nikolao Pula ma Pulu Ae Ae Jr.
ma le paga a : Vaitautolu l’aulualo ma Mary Taufetee
Peita’i ose palota ese lea ina ua na’o tamaitai o loo tauva mai ile nofoa o Amerika Samoa ile maota o le Konekeresi I Uosigitone, lea ua faitau paeaiga o umia e le afioga, Uifaatali Aumua Amata, mai le tofa a Faleomavaega Eni Hunkin ua tuumalo.
Peita’i e tolu isi tamaitai, ua tauva mai nei, Luisa Kuaea, Meleagi Suitonu-Chapman, ma Fualaau Tago Lancaster.
Ae mo itumalo: e 17 o Tutuila ma Manu’a, e lata ile 50 alii ma nai tamaitai o loo tauva mai ile palota tele .
E iai nai faipule ua lata ile 40 tausaga o saofa’i ile nofoa ole itumalo, e iai foi itumalo e na’o le tai tasi lava sui o loo faatu mai.
O le afiafi nanei e iloa ai le taunuuga o le palota tele a Tutuila ma Manu’a mo lana faigamalo , o lesi fa tausaga.
