O le tasi o le foma’i e tiute i le falemai mo le itu o mai taunuu atu i le falemai tele i Motootua, TTM, le mafuaaga o le silia i le lua itula o faatalitali gasegase lolofi atu.
Pei ona molimauina i le afiafi o le Aso Sa na te’a nei, Na tatou fesiligia le tamaitai tausi soifua i le pito i luma , pe aisea ua tuai ai le faasologa o ma’i,
O lana tali e na’o le tasi le foma’i o loo faigaluega. O le taimi lea ua silia i le 50 fanau laiti ua taunuu i le falemai.
Tele lava o tamaiti ia ina ua tatou fesiligia matua, o le tale ma le vevela, faaleleva ma le fiaai.
I le uma ane ona faatali ile silia i le lua itula, valaau mai mo le fuaina ole vevela ma le manava, ae o le toto, uma ane e lelei uma.. ma fautua le tamaitia tausi soifua, e pule lava oe.
O lea e lelei le toto o lau tama, lelei lana manava , lelei lona okesene. ae a mana’o lava oe tina e faatali e vaai le fomai, o lona uiga o lesi tolu i le fa itula e faatali ai.
Ae ae mana’o ete lua o ile fale toe usu mai ai taeao, e pule lava oe.. o le taimi lea ua te’a le 11 i le po. Na toe foi lava le aiga i lea i le fale ma togafiti le latou tamaiti i le fale, Ae o le tina talavou na totope atu foi ia mose fesoasoani i lona manu’a, na avane iai le vai manu’a e nini ai ma faatonu e toe usu atu i le taeao o le Aso Gafua..
Ae faatalitali ai lava gasegase, mo se taimi e fua ai a latou foi okesene o le tino, manava ma le vevela. Leai avanoa o nofoa uumi, avane isi nofoa tasi e mapu iai isi gasegase, e ese ile vaega laututu.
Ole tele o ma’i taunuu i lea po e fefiloai lava fanau laiti ma tagata matutua. Peita’i na molimauina o le faaletonu foi lea na tupu i le Aso Gafua, o le tina lea na toe usu i le Aso Gafua e na’o le tasi foi le foma’i na tiute, na toetoe lava a toe foi ina ua fiaai ma le fiu e faatali mai le 10 i le taeao, e alu i le fale ua lata i le tolu i le aoauli.
Pau le tala na ta’u ane e na’o le tasi le foma’i o loo tiute ile vaega lea o le falemai mo gasegase taunuu atu.
E le’i maua se tatou sootaga ma le pule o le matagaluega, i le mafuaaga o le sosoo o aso o taliga gasegase taunuu.
