E tolu aso o le vaiaso lenei o loo usuia ai le fonotaga a Faamasino Sili a atunuu e 15 o le Pasefika i Samoa nei.
E leo se taimi muamua ua faatautaia mai ai fonotaga a faamasino o le Pasefika i Samoa, na talimalo foi i le tausaga ua mavae.
Ma auga uma manatu faasoa i le autu o le sauaina lea o fanau i totonu o aiga ma fesiligia ai auala e ono foia ai.
Peitai o le tausaga lenei ua talanoaina ai nisi o mataupu o loo atugaluega ai faamasinoga o le Pasefika, e aofia ai ma le faatinoina o le galuega faa faamasino.
O le Aso Gafua o le vaiao nei na faafeiloai aloaia ai e le faamasino sili a Samoa le afioga ia Satiu Simativa Perese ma lona auvaa le mamalu o faamasino sili mai atunuu eseese o le Pasefika, e tauala atu i le ava o le feiloaiga.
O le aoga o nei fonotaga e fefaasoaai ai tomai ma agavaa ae o le tofa mai faamasino eseese e toe timata ai le upega o isi faamasino aua le agai pea i luma.
