O lea talimalo Samoa i le fonotaga muamua a tausi soifua uma o le Pasefika i le masina fou.
O se taimi muamua lea ua faia ai lenei fonotaga e le Sosaiete fou ua faaigoaina o le Sosaiete o tausi soifua i le vaega o togafitiga ma le taotoga o gasegase.
Na saunoa faalauaitele ai le tausi soifua sinia o le vaega o taotoga le susuga ia Patea Natasha Mamea o ia foi o lea faauluulu ma taimua i lenei fonotaga.
“O se fiafiaga ia te ia ma le Sosaiete ina ua ae se tofa o lea amata tamua Samoa i lenei foi fonotaga a tausi soifua o le Pasefika mo le taimi muamua,”
Peitai o le manulauti o lenei fonotaga ia mafai ona tuufaatasia tausi soifua o le Pasefika i vaega tau taotoga ina ia siitia le tomai tau aoaoga ae sili i lea o le auauanga lautele.
“O le taua foi o lenei fonotaga o le a siitia ai le tomai a tausi soifua foi a le Matagaluega o le Soifua maloloina i Samoa, e ala i aoaoga o lea faatino ia ausia atu nisi laasaga maualuluga o le ola aoaoina,”
E amata gasolo mai sui usufono taitasi o atunuu uma o le Pasefika mo lea fonotaga i le vaiaso mulimuli o le masina nei.
