Ua toe taliu mai i Upolu le aumalaga a le malo, ina ua faai’uina ma le manuia le lotu faamanatu ole 192 tausaga talu ona taunuu le LMS, poo misionare Lonetona, ma le talalelei i Mataniu Feagaimaleata i Sapapalii.
Ole aumalaga e aofia ai lana Afioga i le Ao ole Malo ma le Faletua, ole afioga i le Palemia, o Minisita o le Kapeneta ma afioga i Faipule.
Ua fetaitoinai le lotu faamanatu ole EFKS i Samoa, ma le faamanatu o le 60tausaga ole tutoatasi o le tatou atunuu.
Ma faamealofa atu ai e le malo, le tupe $40afe tala ile EFKS.
Ae $20 afe mo le Ekalesia i Sapapalii ile latou aso faamanatu. Na molimauina ai le silia i le kuata miliona tala le seleni o mealofa na tauaaoina i lea faamoemoe.