Ua talosaga ai ai le Susuga Poasa Leaupepe , e faaleaoga moliaga faasaga ia te ia, e ui ina sa ioeina ona moliaga ile faaoolima ise alii talavou. Ole faaoogaliima na tupu i Safotu i le tausaga talu ai.
Ole alii talavou na ma’i ma avatu i le falemai maliu ai.
Peita’i na toe valaau ai le mataupu lenei a Poasa ile vaiaso nei, Aso Gafua ma talosaga ai lana loia, Leiataualesa Jerry Brunt ile faamasino, Alalatoa Rosella Papalii e avatu se taimi e faaulu ane ai le latou talosaga, e faaleaoga ai moliaga faasaga i le Susuga Poasa.
Peita’i ole aso Lua o le vaiaso nei, na tuuatu ai le avanoa e faaulu ane ai le talosaga pe talia e le faamasino, ma tuu atu foi le avanoa i le itu a leoleo e tali atu ai ma faaoo ane i le aso 12 o Iulai.
Ole mataupu lea na maua ane i le suesuega a le foma’i, ma iloa ai ole tama talavou lea na maliu mai le mai o le lukemia.
Ma toe tuu ifo ai moliaga mai le fasioti tagata pa’ivalea i le faaoolima, faasaga i le faafeagaiga Leaupepa.
Ma toe faaui i tua isi moliaga faasolitulafono. Ole faaletonu lea na tupu ia Fepuari ole 2020 i Safotu, ao avea ai le o tuuaia ma faafeagaiga .
Na lipotia ai e leoleo, le faaoolima ole faafeagaiga i le alii talavou, i nai vaiaso mulimuli ane, ae maliu le talavou lea i le falemai.
O le Gafua , 7 o Auskuso 2022, e lau ai le faaiuga.
