E silia ma le 50 Atunuu ma a latou taitai o le a auai i le fonotaga a Malo o le Taupulega, lea e tali malo ai Samoa i le tausaga fou 2024.
Peitai ua talosaga le faipule o le Itumalo o Aleipata itupa i luga, le Afioga Fuaava Suluimalo Amataga Penaia, i le faiga malo pe le ua alagatatau ona faia ni leoleo sikulati (security) e mataitu le saogalemu o tagata taualoa poo ta’ita’i e le gata o Samoa ae mo Atunuu nei o lea auai mai i le fono.
Na afua ona talosaga le faipule ona o le faafitauli lea na tulai mai le Vaiaso ua mavae i le o taitai o se tasi o vaega faaupu fai ma agiga ai luga o upegatafailagi ma alafaasalalau.
Saunoa le Afioga ia Fuaava, o lona popolega nei aave atu nei faamatalaga i ta’ita’i o isi Atunuu ma ta’u leaga ai le igoa o Samoa.
“o le uiga o se faamatalaga ona o lea tatou te tapena o le tausaga fou e tali malo ai Samoa i ta’ita’i o le lalolagi, aemaise le vaega lea le commonwealth, ia a faapea e alu atu i fafo le tala lea oute iloa e meia ma oo se tulaga popole, pe faa fefea ona faamaonia le saogalemu o taitai o isi Atunuu pea omai i Samoa ae oo lava i ta’ita’i o Samoa e leo mafai ona saogalemu,”
Ae na saunoa le fofoga fetalai o le Maota le susuga ia Papali’i Li’o Oloipola Taeu Maipa’u, olea tuu le Matagaluega o leoleo e toe silasila iai mo le agai luma mo puipuiga lautele.
