Na amata mea le faipule o le itumalo o Aleipata Itupa i luga, Fuiava Suluimalo Amataga, ile faatalanoaga o le tupe faasoasoa a le Maota ile taeao.
Ma ia tatalo ai i se fesoaosani mo gasegase faamama toto mai ile itu atu i Sasa’e o le motu. Pe lei talafeagai ona avatu se faamama i le falema’i i Lalomanu,
“E ui o Aleipata itupa i luga o iai le falemai i Lalomanu o loo tautua ai Aleipata ma se vaega o Falelalili, ae o le talosaga , pe le ono faaogaina le extension o le falema’i, mo se falemai faamama toto, e tuu atu iai se nofoa se tasi. O le potu (fale) pe tolu potu moe, e avatu iai se masini, ma ia iai se tagata poto faapitoa.”
Na tali le Minisita ole Matagaluega o le soifua maloloina, VAlasi Togamaga Tafito Selesele, i tulaga o iai lena manaoga i le taimi nei,
“Mo le silafia o lau afioga i le Faipule, e le’o iai se vaega ole tala o le tupe i lalo o le Soifua maloloina. Na faatoa faaulufale le fale fou mo le faamama toto, i le aso 19 o TEsema. Ae na faapea foi nisi e le lelei. Ae o le talosaga mo faipule uma, taumafai ia iai se taimi e asiasi ma tilotilo i meatotino ia. Ma e le mafai ona ave se nofoa i tua, e aunoa male faia oni suesuega faapitoa. “
Peita’i e ui ina e leai se tupe pei ona saunoa le Minsita ae o lo o ia fautua le talosaga o tagata mo le faatinoga o ia galuega,
” O nisi faasalalauga o galuega nei, ia silafia uma e Samoa, ae o le tele lava o mea, e tasi lava le talosaga, ole ala lea o le faalauiloa, i pepa ma tv.
Faafetai ai ile komiti , ae o loo lelei lava galuega fai a le Matagaleuga, atonu afai o silasila ane e leai se tupe a le Soifua Maloloina ile Tala o le Tupe, ona aua lea le toe lauga ai sesi.”
