Ua iai le polokalame a le Matagluega o le Soifua Maloloina ua faataatia, pea alualu suaga o le vaatele ofi faatasi mai le fulu ma le Misela.
Ona toe talosaga lea ia Ausetalia ma Niusila, mo nisi tausi soifua e fesosoani ile utiuti ma le le lava o fomai iinei Samoa pei ona saunoa iai le Ofisa SIli le afioga ia Aiono Dr Alec Ekeroma.
“E le lava le staff o lona uiga e tatau ona talosaga i fafo e aumai nisi fomai pea ooatu iai e le alu lava i lalo le fuainumera, a oo mai le misela ae leo alu lalo le numera o le influenza lona uiga ua talosagaina loa Niusila ma Ausetalia e aumai ni a latou fesoasoani pei o le misela na iai muamua,” Saunoa le Ofisa Sili, a oo mai le Misela e le toe tetele pei o le misela ile tausaga e 2019, ona o le toatele o alo ma fanau ua uma tui puipui.
Na ia saunoa foi a maea ane le vaiaso tasi lea ua faaopopo ile tuuaga ae leo tuuitiitia lava le alu i lalo o le fuainumera o fanau oloo aafia.
Ona toe talosaga foi lea ile Kapeneta mo se isi vaiaso se tasi, Peitai o le faafitauli lava oloo feagai pea ma le Matagaluega o le le lava o tausi soifua, o isi tausi soifua ua faigaluega faasolo atoa, o isi tausi soifua ua aafia ile flu ma nonofo i aiga.
Ua fautuaina foi matua o pepe faatoa 6 ile 9 masina ina ia faia tui puipui, o le misela ma isi o fanau e lei faia lava tui puipui.
