O lea ua maea le faamasioga a le alii suesue ia Lio Faataumalama Auava lea sa faia I le amataga o le vaiaso nei ma o lea ua faamaonia mai ai ua talia ai i le faamasinoga o la moliaga e ala i lo laua faatamala i le faatinoga o laua tiute faaleoleo e pei ona la talia ma faamaonia faamatalaga tusitusia mai tagata sa o la faatalanoa i le suesuega i le maliu o Tuuau Faasavalu, lea na faia le suesuega e aunoa ma se faatagaga a le Komesina o leoleo.
Mai ise pepa o faamatalaga mai I le itulau o le Radio Samoa ua faailoa manino mai ai e faapea o le taimi nei o lea e faamalolo le tumau ai ia malu o le malo nei e toalua seia maea faagasolo taualumaga o la moliaga, e pei ona mae’a le faamasinoga faaleoleo, ae o loo tālia moliaga i le faamasinoga o soligatulafono lea o le a tulai ai Li’o Faataumalama Auava, ma isi tagata e toafā e aofia ai le sui faipule o Salega le tasi o loo tetee uma i o latou moliaga i le faamasinoga faaitumalo le District Court.
O loo fatali pea se faasalaga e le faamasinoga a leoleo le Police Tribunal mo le leoleo asiasi le susuga Li’o Faataumalama Auava ma le tamaitai leoleo taai lua o Henifa Bryce, lea ua faamaonia o la moliaga I le aso.
O le leoleo taai lua e lua ona moliaga e tasi ua faamaonia ae o le isi ua lē faamaonia.
O le Aso Faraile na te’a nei na lau ai le faaiuga a le faamasinoga faaleoleo i le tuanai o le masina o Aperila na suesueina ai moliaga e pei ona sa valaau ai molimau.
O le sui Komesina le afioga Afamasaga Samuelu na avea ma ta’ita’ifono i le laulau na suesueina molimau lea sa aofia ai se tamaitai ta’ita’i leoleo asiasi ma se loia.
Na faaalia e Li’o Faataumalama i le mae’a o le lauina o le faaiuga, o le a talanoa i lana loia o se KC poo se King Counsel mai Niu Sila pe faaulu se la talosaga e toe iloilo ai le taunuuga o suesuega poo se apili.
