Ua faailo le manaoga o le tamaita’i puleaoga o le aoga tulaga lua a Sagato Malia i Savalalo, ia Mrs Yvetta Vui ile faigamalo ma le LTA.
E mo se patupatu i luma ane o le faitoto’a o loo faaoga e taavale ma matua e tau savali e momoli atu fanau ile taeao ma le tu’uaga ole aoga.
O le aoga lea e faafesaga’i tonu lava le gate ma le ofisa o le Leitio Polenisia, ma maitauina ai i le taeoa ma le taimi tu’ua le poloka ai o le auala i taavale o matua e momoli fanau i totonu, ma piki.
Ae o le taimi foi lea o le taeoa ua fegasoloai ai le atunuu e tulitulu a latou taimi faigaluega.
Peitai na tatou fesiligia le tamaitai puleaoga ia Vui i se polokalame ua silasila iai le aiga faiaoga mo le saogalemu o fanau
Saunoa Vui “ua leva ona maea ona faailoa ma tuu atu lo latou manaoga ile APTC a le aoga e talosagaina ai le Malo ma le LTA e fausia se patupatu i luma ane o le gate ua faaaoga nei.
Na ia saunoa foi na talosaga lava talu mai le faigamalo talu ai seia oo mai le taimi nei, ma e leo manatu mama ai foi ia o le ulu o le aoga ile saogalemu o alo ma fanau laiti.
E lua lava gate poo faitotoa sa maasani ona faaoga pei ona saunoa iai Vui ao le faafitauli ua le mafai ona toe faaaogaina le gate pito i luma ona o puipuiga o tamaitai sa o loo nonofo ma aumai i totonu o le lotoa.
Peitai molimau le leoleo po i le leitio Polenisia o le vaega foi lea o le auala le agai mai i luma o le TATTE seia o’o mai luma o le aoga lea e fai ma fiafiaga o ave taavale e mili ai aua e leai se patupatu e ona tautoai ai le alu o le taavale
Ma iu ai ina tofu mai i totonu o le faapaologa pito i lalo o le ofisa le Leitio Polenisia le taavale.
Saunoa nisi o matua o loo faaaoga alo ma fanau i le aoga tulaga lua Sagato Malia, o se fuafuaga ua leva ona tatau ona fai, e ui na tulai mai ai foi le faalavelave i se tasi o matua, ae ua tatau ma onomea ona silasila iai le Pulega o Felauaiga ile Laueleele ma faatino loa.
