Ua tamua le vaega mulimuli o le fonotaga a le Atoa Samoa 2023 ile faapa’iaina lea o le eleele ole malo o Amerika Samoa i le fanua ole malo i Taumeasina Moataa.
Ole faapaiaina ole fanua, ina ia sao ma uli galuega faatino ai, mai le fausia ole fale ae o tagata faigaluega.
O fesuiaiga fanua ia a malo e lua, e aofia ai le fanua i Peseta e fau ai le ofisa o le malo o Samoa i Petesa Amerika Samoa, ae o le fanua lea i Taumeasaina e fau ai le ofisa o Tutuila ma Manu’a i Samoa.
O le aso, ua faatasia ai taitai o malo e lua mo lea sauniga taua i Moataa. Ile pepa o faamatalaga mai le Kovana o Amerika Samoa o ta’ua ai le taua o lenei faamoemoe, ile faatumauina o le va nofo lelei o Samoa na lua.
E aofia ai lo la va fetausiaa’i. Ia ausia ni faamoemoega taua ma le tetele mo Samoa. Ole aumalaga a Amerika Samoa na taunuu ai i Apia ile faaiuga o le vaiaso. E aofia ai sui filia ole kapaneta.
O nisi o mataupu e oo iai faatalanoaga ile fono lenei, e aofia ai Femalagaiga, o tuaoi faavaomalo, tagata asiasi mai, sisiomaga, Soifua maloloina ma isi mataupu.
Ole afiafi nanei, le sauniga faatalofa ole fono, ma tatala aloai aai ile taeao a teaao, Aso Lulu ile faletalimalo o le Taumeasina i Moataa. Ua iai le faamoemoe e togipau le vaa mo le malaga atu a le usugafono i Salafai, ma aso atoa ai ile Tofi.
Ua fuafua foi le taamilosaga e asia le tele o atinae tau faatoaga ole ivitu ole tamaoaiga o Samoa mai Salafai, i faatoaga ma atinae esese ua i Savaii.
