E mafai ona faatino galuega uma lava pe’a soifua maloloina le tagata.
Ma ua le nofoa’i ai le Matagaluega o le Soifua maloloina i ana galuega faamanatu, pei o le faia o tui puipui o faamai pipisi.
Pei ona ave ai foi le faataua i le faia o tui puipui o fanau mai le 9 masina e oo atu lava i le tagata ua atoa le 45 o tausaga soifua.
Ma faalauaitele mai e le tamaitai tausi soifua i le itulau o fesootaiga a le Matagaluega, le susuga a Susana , ole faamai lenei ole fiva typhoid ua tele tausaga o aafia ai Samoa.
O auga e aofia ai le fiva poo le vevela ise taimi faaumiumi, alia’e le pata o le tino ma maua foi ile tafi o le manava poo le manava mamau foi, tulou.
Ae o le fautuaga , mo le puipuiga, ia kuka lelei taumafa ma faamama le siosiomaga o loo fai ai gaoooga, aua e mafai e lago ma isi meaola ona faapipisi atu siama ole typhoid i taumafa.. Faapena foi i tagata ua iai le siama, e mafai foi ona o latou faapipisi atu pe a le faaeteete.
O loo fautuaina le oo atu i falemai faaitumalo ma le vaega o le falemai tele i Motootua o fai ai tui puipui, mo le faia o tui puipui, e le gata o fanau mai le 9 masina i luga o le faasolo atu ina matua ile 45 tausaga.
