E le’o tele lava ni famatalaga e iloa ai poo lea tonu le mafuaaga ua taofia ai faigamalaga a tagata faigaluega faavaitaimi i Niusila ma Ausetalia.
Pau le mafuaaga, na ta’u mai ile pepa o faamatalaga ale Matagaleuga o Pisinisi Alamanuia ma Leipa, MCIL, ile Aso Lulu 13 Aperila 2022
“E iai ni fesuiaiga o loo faia ile Polokalame o Galuega faavaitaimi, Seasonal Workers Program mo Niusila ma Ausetalia.”
Ose faaaliga ua faalologo solo ai taliga o aiga i Samoa nei, pe iai se mea ua tupu ua mafua ai ona taofi mai malaga.
Peita’i ise tasi o tatou faatalanoaga ma le Minisita o gafa ma Galuega nei faavaitaimi, afioga a Leatinuu Wayne Sooialo i lona ofisa, ina ua fesiligia, ise faatatau a le malo, i le polokalame lenei, talu faafitauli tutupu mai tagata faigaluega, o aafia ai se vaega o alii ma tamaitai. O lana tali: “O lo ua tilotilo iai.
I faamaumauga o le polokalame na amata mai e le malo o Niusila ina ua mana’omia tagata e galueaina a latou faatoaga, ma avatu ai tagata atumotu, i lalo o maliega, faapitoa. Pei o le faakonekarate na amata mai ai le RSE Recognise Seasonal Employers a Niusila ile tusa ole 15 tausaga talu ai.
Ae mulimuli ane faataitai iai le malo o Ausetalia ma la’u atu ai foi o tatou tagata e galueaina a latou foi faatoaga ma faasolo mai ai nei.
E fai ane tapu o le Koviti ile masina talu ai, ae le’i taofia ai malaga a vaalele e ave tagata faigaluega i fafo. Ua faitau afe o tatou tagata talavou mai Upolu ma Savaii, 21-39 tausaga le matutua o loo galulue ai i faatoaga a Niusila ma Ausetalia i lalo o polokalame o galuega faavaitaimi.
Ua le masino faaletonu e tutupu ma maumau ai soifua o se vaega o fanau faigaluega. Ua molimauina mai Ausetalia, le faapologa o se vaega o tagata faigaluega, ma maua toomaga i aulotu ma aiga Samoa o loo fesoaosani iai.
Ua molimauina mai foi soligatulafono, o tuuaia ai se vaega o alii pei o le gaoi, faaoolima, faatupu vevesi, onana ma fualaau faasaina.
I se tasi o feiloaiga a le afioga i le Palemia Fiame Naomi Mataafa`ma le vasega o tusitala , ina ua fesilgia i le lumanai o le polokalame lea. Peita’i na ia saunoa e iai ni mataupu ua oo atu ile malo faatatau i tagata faigaluega favaitaimi.
Ile maitau ua tusa ma le 11 tausaga talu ona gasolo o tatou tagata e faigaluega i Ausetalia. O Ausetalia lea o loo lipotia mai ai amioga faasolitulafono, e aofia ai foi ma kamupani o loo galulue ai o tatou tagata.
E le na’o Samoa o loo manuia lo latou tamaoaiga i galuega faavaitaimi nei, o loo iai foi aufaigaluega atu i Toga, Fiti, Solomona, Palau, Papua Niukini ma isi.
