Ole faamantu a le Matagaluega ma le Ofisa o Faigafaiva ile paia ma le mamalu o si o tatou atunuu e leo malolo pea e ala lea ile faamanatu i atunuu ae le gata i lea o i latou oloo fagotaina ma faatauina ula fai fua fanau, e tautuana ina ia taofi nei loa le fagotaina ma le faatauina o nei figota ile mamalu ole atunuu.
Oloo faamauina pea e le Matagaluega e ala i a latou asiasiga oloo faasolo i tua i maketi o i’a i Savalalo ae o tafaala le fagota faasolitulafono lea e le au faifaiva i’a ma figota laiti ile sami ma faatau atu ile mamalu ole atunuu.
Oloo iai a tatou faailoilo ma pepa faalauiloa ile maketi oloo faailoa atu ai tulaga uma e pei ona faasaina i lalo ole tulafono ae oloo maitauina pea e leo usitaia ma mulimulita’i e nisi ole au faatau i’a nei vaega.
Faamolemole taofi nei loa.
I lalo ole tulafono faatonutonu o Faigafaiva 1995, soo se tagata lava e faamaonia lana solitulafono, olea faasalaina ise sala tupe e le itiiti ifo ile $10,000 SAT.
Ole puipuia o ula fuamoa e taua tele mo le faatumauina o tatou ola ole gataifale.
E tasi le ula fuamoa e mafai ona ave le faitau afe o fuamoa, e mafai ona oo atu ile faitau afe o ula laiti e fesoasoani e faamautu le soifua maloloina o tagata. E ala ile mulimulitaia o nei tulafono faatonutonu, oloo e fesoasoani e faamautinoa le lumanai o a tatou faaputuga ula ma le siosiomaga atoa ole gataifale.
