Taofi sauaga i tina ma tamaitai, ae faapefea tama ma i latou e iai a’afiaga tumau o le soifua o loo sauaina?

SHARE NOW

E matuai teena lava e le afioga ia Salamatua Russell mai le afioaga o Vaiusu, le mau ua pepese ai nei le toatele e ala i a latou faalauiloa e faapea, taofi le sauaina o tina ma tamaitai, o le afioga ia Salamatua o le taitaifono foi lea o le faalapotopotoga fou o lea faavae i totonu o Samoa i se taimi oi luma ua faaigoa ina “O le aia tatau a tagata e iai manaoga faapitoa”.

Na faavae mai manatu faalia ma le finagalo o Salamatua, ia te ia lava, o se tagata e iai aafiaga tumau o le soifua.

Ae ua ia iloa ma molimauina le tele ma le faatupulaia o lafolafoga i totonu o faalapotopotoga o loo aafia ai lagona ma manatu o tagata o loo iai aafiaga tumau o le soifua.

Peitai sa le tatau ona tulai mai nei amioga, aua e tutusa e tagata uma i le silafaga a le Atua.

Saunoa Salamatua sa tatau foi ona iai se sui oi latou e iai aafiaga tumau o le soifua i totonu o le Palemene, pe afai ua fetau’aina le tatau ona iai o tamaitai i totonu o le Palemene e ala i le 10%.

Ua iai le faamoemoega o lenei faalapotopotoga fou o le Aia tatau o tagata e iai aafiaga tumau o le soifua, ia maea ane le tausaga lenei ua mautu le tele o taiala ma alafua e tatau ona iai.