Oloo taofia pea i lalo ole vaaiga a leoleo le alii talavou 22 tausaga o loo masalomia ile faalavelave tau fana lea na tupu mai Faleatiu a’o lumana’i le faaiuga ole vaiaso na te’a nei.
Ole faaletonu lea o loo faia nei iai suesuega a leoleo, o masalomia, na afua mai ise feeseeseaiga.
E lei maua se tatou tala mai le ofisa o leoleo, ae na faailoa e le sui Komesina, Papalii Monalisa Tia’i Keti, i le Samoa Observer e tolu manuaga o pulafana ile ua maliu, 29 tausaga le matua o Faleatiu,
Ua molia, le alii 22 tausaga ile fasioti tagata ma ua taofia ile vaaiga a leoleo.
Ua faamauina le sosoo o solitulafono, e aafia ai laau malosi, pei foi ona molimauina mai i Sinamoga, lea o loo sailia pea e leoleo le tagata na faapaane le fana mai le taavale ma manunua ai ni alii talavou ilena taimi.
Peitai ole faalavelave lea mai Faleatiu, ua taofia ai le o masalomia ile maliu ose alii talavou, faatasi ai ma le laaumalosi.
