Taofia ma molia e leoleo le sikulaki ile faaoomanu’a

SHARE NOW

O loo tigaina  ile falema’i o le Tupua Tamasese Meaole i Motootua se alii na faaoolima iai le sikulaki ose faleava i le taulaga i Apia ile vaiaso talu ai. 

Ma ta’ua e lona aiga le ogaoga o manuaga i lona ulu. I le tala a le tauaiga lea ile sui ole Leitio Polensia, na uma ona fasi tia’i ai lava ile pupuvao i tua ane o le falekalapu manu e faaletonu ai, ae na iai le ave taxi sa ia iloa atu le mea na tupu na fesoasoani e avatu le tama  ile falema’i. 

Ma talu mai lava le vaiaso talu ai, o loo tigaina lava le tama talu le ogaoga tele o manuaga, pei o le pisia o le faiai, ile faamatalaga a lona aiga. 

Ma na molia ai lava e leoleo, le sikulaki o le falekapu Susuga a Andrew Samuelu o Vaiusu, 46 tausaga le matua. 

Na faamaonia mai e le afioga ile Komesina o Leoleo, Auapaau Logoitino Failipo, ua molia ai Samuelu i le faaoolima ua afua ai ni manu’a ogaoga, ma e ono iai nisi moliaga , ao taofia ai i lalo o le vaaiga a leoleo. 

Ua faatulaga le aso 20 o Mati e tula’i ai i luma le faamasinoga. 

 O ta’ua e le tausoga o le alii o tiagina i le falema’i i le letio Polenisia  “ o tagata ia e sikulaki falepia, e tatau ona latou puipuia tagata , pei o tagata sa faigaluega ile aso ma feoai atu, ae le’o le tulaga lena na oo iai lona tausoga. 

“O lo’u tei ua afaina lona faiai ile toto, ile tala mai a le tagata faapitoa ile falema’i, ae laki pe a ola. Sa faasuava ile taimi na fasi ai, ma le mafai ai ona ia tetee atu ile tagata na fasia, aua ua le lelei lana vaai ma le mautonu foi. 

Na ia ta’ua foi, “ e tatau lava ona iai ni aiaiga mo le saogalemu , e faatino ai galuega a tagata o loo faigaluega sikulaki i falekalapu, e taofia ai lo latou sauaina o tagata ua faasuava”