13 Tesema 2024: Ae ile mataupu tuliloa a le afioaga o Lefagaoalii ma se vaega o matai ma taulelea o taofia I le vaaiga a leoleo,
Ua toe faaauau ai pea ona taofia se ia le aso 6 ma le 7 o Fepuari o le 2025.
Ua ave iai le faamuamua ale faamasinoga i le mataupu lea.
O le tolaulauga a leoleo na tapena mai mole faamasinoga o loo iai vaega o mau e finauina.
E iai foi mataupu ua logo ai le faamasinoga e fesoasoani i faasalaga oi latou ua molia.
Peita’i ile faamatalaga faapea e iai ni lafoga poo amioaga a le o aafia ile mataupu na faafofoga iai le aufaigaluega a le Atua.
O le a tolo le mataupu lenei ile faamasinoga faapitoa i le , 10am ole aso taupoina o Fepuari .
Ae lua aso ua atofa mo le mataupu lea, 6- 7. O latou o taofia e taofia pea.
O Salapo Etene ia usitai i tuutuuga o tatala ai i tua.
Ua avatu foi le avanoa ile loia a Lefagaoalii Susuga a Su’a Alex e feutagai ai ma le itu a leoleo i nisi mataupu e finauina, pei ona saunoa le faamasino Justice Clark.
Peita’i i le uma ane o le mataupu na avatu e leoleo le 15-minute e feofoofoa’i ai tauaiga i totonu o le potu faamasino.
O tina ma fanau, o tauaiga, uso ma tuafafine, na loimata uma lava ina ua saunoa le Susuga a Lasalo e fai ma sui o latou o loo taofia, ma faamalosi’au ile tapuaiga aiga ma le nuu , o loo lelei lava mea uma ile nofoaga o iai. Na oo atu foi iai le tofa a Sooalo Manu le tama lea na amo, ma lona aiga, tofa a Sooalo Tuputala ma Sooalo Siliga, ma avatu foi le faamalosi ‘au iai latou o taofia.
E ui ose leleiga ua iai nei, peita’i o loo malosi lava le tulafono.
Ua toe foi atu i latou i Tanumalala mo lesi masina ma le tolu vaiaso e toe taliu ane ai ile faamasinoga i Mulinuu.
