O le lona fa ai lenei o aso talu ona taofia e leoleo ni alii se to’alima , i le umia o fualaau faasaina.
Ole taunuuga o lea ole suesuega a leoleo na faia ile falei’a poo le maketi I’a I Savalalo ile Aso Faraile talu ai, 15 o Mati.
O ta’ua e le faamatalaga faalauaitele mai le Matagaluega o leoleo, o alii ia e aofia ai se tane mai Vailele 40 tausaga, ose tane mai Lepea, 23 tausaga, tane mai Salelavalu 47 tausaga, tane Vaiusu 44 tausaga, ma le tane mai Manono e 24 tausaga.
Ma ua taofia uma lava nei alii I lalo ole vaaiga a leoleo I moliaga o le umia o fualaau faasaina, e oo atu I le aso 9 o Aperila e valaau ai I latou I luma ole faamasinoga.
